Tuesday, August 30, 2016

MFUNDISHE MWANAOMAMBO HAYA YA MSINGI YATAKOYO MSAIDIA MAISHANI MWAKE

Richard Edward | 4:33:00 PM | | Toa maoni yako hapa!
 MFUNDISHE MWANAOMAMBO HAYA YA MSINGI YATAKOYO MSAIDIA MAISHANI MWAKE

Ni familia chache sana ambazo zimekuwa zikiwafundisha ujuzi huu watoto wao na hivyo kuwaweka katika nafasi nzuri ya mafanikio huku familia nyingi hasa za wasomi zikiwasisitizia watoto wao elimu tu kama ndio njia kuu ya kufanikiwa kimaisha.

Elimu ya stadi za maisha kwa watoto na vijana hutofautiana kulingana na umri na eneo mnaloishi. Hivyo mafunzo haya yasingatie hivyo vigezo mbili

Kama unamtakia mtoto/kijana wako maisha bora na yenye mafanikio ya baadaye mfundishe au muelekeze stadi za maisha zifuatazo:



1. Mfundishe mwanao namna ya kuandaa bajeti ya pale nyumbani kwako kwa kutumia karatasi na au kompyuta

2. Mzoeshe mwanao kulipa bili mbali mbali kama za TV, tanesco, maji nk


3. Mzoeshe mwanao kufanya manunuzi sokoni na supermarket


4. Mzoeshe mwanao kurekebisha/kutatua matatizo madogomadogo ya pale nyumbani kama ya umeme, maji, TV, vitasa vya nyumba, rangi, nk


5. Nenda naye kazini kwako hasa wakati wa likizo na kumfundisha kazi zako taratibu kama fursa inaruhusu mfano namna ya kupiga simu za kiofisi, namna ya kuandika na kutuma email, namna ya kutuma na kupokea faksi, namna ya kuprint na kutoa photocopy, namna ya kuscan, namna ya kuafail na kutoa barua kwenye mafail (badala ya kumpeleka tuition)


6. Mzoeshe utoaji mfano kanisani mpe sadaka akatoe yeye kwa niaba yako au mpe sadaka kama yako. wewe ukitoa 5,000 na yeye mpe elfu tano kama huna basi wewe baki mpe mtoto akatoe kwa niaba yako. Mzoeshe pia kutoa kwa maskini na wenye uhitaji. 

7. Usimzoeshe mtoto kutoa sadaka za kitoto kama mia moja nk. Atazoea kutoa kidonjo hata akiwa mkubwa.


8. Mzoeshe kuwaombea wadogo zake, wakubwa zake, majirani, eneo mnaloishi, nchi, viongozi, marafiki na maadui kama wapo.


9. Mfundishe na umzoeshe kufanya biashara ndogo ndogo pale nyumbani (kulingana na umri wake)


10. Mzoeshe kuongoza ibada ya nyumbani na kufanya maombi


11. Mzoeshe kwenda kusalimia marafiki na majirani wa karibu (close friends and relatives)


12. Mzoeshe mwanao pia kuwatembelea watu walio kwenye shida mfano kuwatembelea wagonjwa mahospitalini, wafungwa magerezani na watoto wanaoishi kwenye mazingira magumu kwenye vituo vya kulelea watoto yatima nk.


13. Mzoeshe kusema samahani anapokosea na asante anapofanyiwa wema na kusema nimekusamehe anapoombwa msamaha


14. Mzoeshe kusifia mwenzake hasa wadogo zake au wakubwa zake pale wanapofanya vizuri hata kama ni kwa haba


15. Mzoeshe kuwa mdadisi wa mambo (critical thinker) Mfano kwani ukirusha kitu juu inarudi chini, kwa nini mchana kuna mwanga na usiku kuna giza? kwa nini tunakula? kwa nini anasoma? na maswali mengi ya kimaisha


16. Mzoeshe mtoto wako kufanya jambo jipya kila siku au jambo lilelile kwa namna mpya (to be creative and innovative)


17. Mzoeshe mtoto kusoma (mfano vitabu, magazeti, majarida yenye kuelimisha)


18. Mzoeshe mtoto kutambua vipawa na vitu anavyovipenda kufanya ili aviendeleze

19. Mzoeshe mtoto kupenda wenzake kwa matendo. (mfano kumwomba Mungu amuwezeshe kupenda wengine, kuwaombea wengine wapate mafanikio kwa Mungu, kuwapa zawadi wadogo zake na wakubwa zake -akinuanua pipi mbili, moja yake na moja ya rafiki yake au mdogo wake au mkubwa wake)

20. Mfundishe mtoto wako mambo kadha wa kadha ya kimaisha kama vile uongozi, usimamizi wa fedha, biashara na ujasiriamali, namna ya kufanikiwa katika masomo, namna ya kuweka vipaumbele, namna ya kuhusiana na wenzake, namna ya kutatua migogoro yanapotokea, namna ya kufanya maamuzi hasa maamuzi magumu. nk

21. Jizoeshe kutoka out kama za lunch, kutembea, shopping na mtoto wako na kutumia huo muda kumfundisha mambo kadha kadha ya kimaisha. Hii inategemea out hiyo ni ya wapi na ya kusudi lipi. Utakachomfundisha mtoto wako kiendane na mazingira yaani out destination na umri wake

22. Jizoeshe kupumzika na mtoto wako na kufanya yale mambo mtoto anafanya (mfano kuangalia TV pamoja, kuangalia mechi za mpira pamoja, kucheza nk. kwenda kutembea pamoja ili uweze kumjua mtoto wako na anapendelea mambo gani na pia upate fursa ya kumuelekeza kwenye mambo yanayofaa zaidi). Tumia pia muda huu kumfundisha mtoto wako mambo kadha wa kadha ya kimaisha

23. Jizoeshe kumkumbatia mtoto wako hasa mnaposalimiana au kushangilia jambo, au unapoelezea hisia zako za furaha kwake ili uimarishe mahusiano yako kwake na pia ujue kama yuko salama ili pale anapokuwa sio salama uwe wa kwanza kumtambua na kuonyesha upendo wako kwake kwa kumhudumia na kumpa maneno ya faraja. 

Watoto wengi wana tabia ya kuficha matatizo walizo nazo kama wazazi hawako karibu nao, mfano ana kidonda, ametendewa mabaya na wenzake au watu wabaya, ugonjwa wa ngozi, na magonjwa mengine. 

24. Unapokuwa na mazoea ya kumkumbatia mtoto wako utagundua mambo hayo. Mfano, kwenye kijiji kimoja hapo mwaka 1998 tulimtembelea mtoto mmoja katika na katika hali ile ya kumkumabtia tukagundua kuwa aliungua mgongoni na kwa hiyo tukafanya utaratibu wa haraka wa kumpeleka kwenye zahanati ya karibu akatibiwe kidonda kwani kilianza kuoza. Mfano mwingine: 

Rafiki yangu mmoja aliwahi kuniambia kuwa tangu utoto wake hakuwahi kuwa karibu na baba yake kwani alikuwa mkali sana na siku moja walikubaliana na mama kumpiga kwa kosa ambalo hakulitenda. Kuanzia hapo akawa mbali na wazazi wake mpaka alipohitimu chuo kikuu. 

25. Hata adhabu tunazowapa watoto ziwe za kistaarabu. mfano umshirikishe mtoto kwenye adhabu yeyote unayotaka kumpa. Umsikilize vya kutosha kabla ya kumpa adhabu yeyote. Hata kama adhabu ni kali, mtoto akishirikishwa na kuridhika kwamba alistahili kuadhibiwa hataweka uhusiano wake na mzazi mbali.

26. Fanya matukio kama ya birthday pamoja na mtoto wako huku akiwaalika marafiki zake wa karibu (hii itakuwa fursa yako ya kuwafahamu marafiki wa mtoto wako) mfano waweza weka kwenye electronik kalenda yako ikukumbushe birthday za watoto wako ili wewe ndie uwe mkumbushaji na kuhakikisha tukio hilo linafanyika. Kumbuka aina ya marafiki wa mtoto wako ndio watakaoamua mtoto wako aweje mbeleni na afanikiweje? awe na tabia za namna gani? nk

27. Mzoeshe mtoto ajifunze kuwasikiliza wengine kwanza sio yeye tu asikilizwe tena kwa kumwangalia msemaji usoni na kujifunza kutumia luigha ya mwili kuwasiliana.

28. Unapombeba mtoto wako kwenye gari muelekeze mambo kadha wa kadha mfano kuwasha gari, kuzima, kushika mbreki, kutumia usukani nk)

29. Mzoeshe mtoto kuweka kumbukumbu kwa kuandika na jinsi ya kutunza mafaili yake kwa mpangilio sahihi, mfano matokeo yake yawe kwenye faili la kwake ambalo yeye mwenye analisimamia.

30. Mzoeshe mtoto namna ya kutengeneza ratiba na kuifuata mfano ratiba ya siku, kuamaka, kufanya usafi, kwenda shule, kujisomea, kufanya homework, kufanya kazi za nyumbani, kucheza kuangalia vipindi maalum za TV au kanda nk.

31. Mtoto ajizoeshe kuandika maono na malengo ya maisha yake ya muda mfupi, kati na mrefu

32. Mzoeshe mtoto kutumia usafiri wa umma kama daladala.

33. Mzoeshe mtoto kuwasiliana naye kwa barua ili azoee kuandika barua nzuri mfano za maombi ya vitu vinavyotakiwa shuleni na bei yake.

34. Mzoeshe pia mtoto kufanya window shopping kwa vitu vya shuleni 
na zile za nyumbani kama vyakula na vifaa vingine vya nyumbani ili ajifunze naman ya kufanya manunuzi kwa dhamani halisi ya pesa (value for money).

35. Mzoeshe mtoto kutumia kompyuta kwa matumizi madogomadogo kama ya kuanda bajeti kwa excel na kuandika maombi kwa MS Word

36. Mzoeshe mtoto kuogelea hasa kwa wale walio karibu na mito, maziwa na bahari

37. Kama hali ikiruhusu fanya utalii wa ndani na mtoto wako kama kutembelea mbuga za wanyama (kwa walio karibu na mbuga hizo) kutembelea matukio ya kimila, kutembelea zoo ya wanyama nk.

38. Mnunulie mtoto kamera ndogo ya kujifunzia na awe anatumia kwenye matukio muhimu makanisani, shuleni nk

39. Mzoeshe mtoto kutumia vifaa vya teknolojia kama simu an kompyuta katika kuwasiliana kwa message, email na sauti

40. Mambo haya hayawezekani ndani ya muda mfupi. inategemea pia na umri wa mtoto wako na mahali mnapoishi.

Vipengele vingine havihusiki na wewe kulingana na mazingira yako ya kuishi na umri wa mtoto wako

Pia kuna mambo mengi katika maisha mfundishe mwanao asijihusishe nayo kabla ya wakati wake. mfano mitandao ya kijamii, makundi ya marafiki wasiofaa/wasiojenga maadili, ulevi, mahusiano ya kingono au kimapenzink



By Richard Edward 

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

Monday, August 29, 2016

MAMBO 15 MWANAMKE ANAYOYAANGALIA KABLA YA KUKUPENDA

Richard Edward | 9:52:00 PM | Toa maoni yako hapa!
 MAMBO 15 MWANAMKE ANAYOYAANGALIA KABLA YA KUKUPENDA

Hebu tuseme ukweli, kuna wakati mwingine ambao wanaume wanashindwa kuwaelewa wanawake. Unaweza ukamwaproach mwanamke huku ukijua wazi hutatoboa lakini unashangazwa mwanamke kama huyo anakukubali fasta.

Na wakati mwingine utaapproach mwanamke ambaye unaamini kuwa ni rahisi kabisa kumtongoza lakini ukirusha nyavu badala ya kushika samaki inanasa mawe (sitaki kusema kinachotokea wakati mwanamke anakuzima mbele ya hadhira)

Halafu sasa kuna wale marafiki zetu ambao kila wakati wao wakitongoza wanakataliwa. (inauma sana)

Basi ukifanya haya itakusaidia kumpata kiurahisi/kumshawishi yule umpendae kuwa rahisi kukubalia ama kuwa nae

#1 Kuvalia nadhifu

Kulingana na wanawake ni kuwa mwanaume anapaswa kuvalia nadhifu kila wakati. Hii ni muhimu kwa mwanaume kwa kuwa huwezi kujua ni wapi au lini unaweza kukutana na mwanamke wa ndoto yako. Ni jambo muhimu la kuzingatia lakini masikitiko ni kuwa ni wanaume wachache ambao huwa wanaona umuhimu ikija katika hili swala. Ok. ni hivi, kuanzia sasa hadi milele hakikisha kuwa unavalia kisafi na kinadhifu wakati wote, jipulize marashi na utumie bidhaa zote za wanaume ambazo zitakupamba.

#2 Kuwa na msimamo

Jambo ambalo wanawake wanachukizwa kutoka kwa wanaume ni kuona mwanaume ambaye hana msimamo thabiti. Mara leo anasema hivi mara siku nyingine yuko hivi. Well, hapa siongei kuhusu mwanaume ambaye mambo yake hayajulikani (mysterious) La. Naongea kuhusu wale wanaume ambao hawawezi kuwa na misimamo yao wenyewe. 

Akili zao haziwezi kujitegemea, hawezi kusema jambo mpaka aulize ushauri kwa wenzake ama kwa marafiki zake. So kama wewe ni mwanaume ambaye una tabia kama hizi ziache kuanzia sasa. Nataka ujeuke. Ukiwa na tabia kama hii hutatoboa katika kutongoza mwanamke.

#3 Mwanaume mwenye kuvutia

Mwanaume ambaye anajua kuvutia wanawake ni silaha nzito katika sanaa ya kutongoza. Wanawake wanapenda mwanaume yeyote ambaye ana chembechembe za kusisimua wanawake. Na mwanaume kama huyu ni yule ambaye ana uwezo wa kutumia miondoko ya mwili ipasavyo, wale ambao wanajua kutumia sanaa ya kubanta, na wale wanaojua kuzungumza maneno ya kunata.

#4 Mwili mzuri/shepu

Kama vile ambavyo ungependa mwanamke mwenye shepu na figa, pia wanawake wanapenda wanaume wenye shepu. So utafanyaje kama wewe una shepu la duara? Ingia gym, fanya mazoezi ya kukimbia angalau dakika 30 kila siku. Hii itakufanya uwe na toni nzuri kwa mwili wako. Si mimi ndio nimesema hivi, ni maneno kutoka vinywa vya wanawake. Anza mazoezi pindi utakapomaliza kusoma hii post.

#5 Kuwa na sanaa ya ucheshi

Mwanamke anaweza kujua iwapo mwanaume anachembechembe za ucheshi au la wakati ambapo anaongea naye. Ni hivyo tu ambavyo unahitajika kuwa navyo wakati kama unataka kumfurahisha mwanamke. Kila wanawake wanajua kwamba mwanaume ambaye ni mcheshi huwa anavutia sana haswa ikija katika maswala ya kudeti na wakati wanapochat nao kupitia kwa simu. 

Hivyo jambo lako la kufanya ni hakikisha ya kuwa wakati unapoongea na mwanamke unamchekesha. Usijilazimishe kama wewe si mcheshi. Mwanamke anaweza kucheka kwa mizaha ambayo hata haichekeshi kama umemsoma mambo anayoyapenda.

#6 Mwanaume ambaye halazimishi mambo

Mwanaume ambaye hulazimisha mambo huwa ni wanaume wanaochukiza zaidi ikija katika mchezo wa kudeti. Mwanaume wa kulazimisha ni yule ambaye anakubali kushindwa ili kuzuia mgogoro na mtu ambaye amemshinda kihadhi. Wewe kama mwanaume haupaswi kujidhalilisha mbele ya yeyote yule, hata kama ni marafiki zako. Kuwa na misimamo yako mwenyewe katika maisha yako. Kama unaona kuwa unakosewa una haki ya kupaza sauti yako usikike  balada ya kukasirika ama kusinyaa.

#7 Kazi nzuri na hela ndefu

Ok. Haya si maoni yangu. Ni mambo ambayo yametamkwa kutoka kwa vinywa vya wanawake. Lakini ngoja tuseme ukweli...pesa ni muhimu ikija katika maswala ya mapenzi. Ni hivi! Wewe hupenda wanawake warembo zaidi kuliko wanawake wabovu. Kweli? Hivyo hivyo wanawake hupenda wanaume ambao ni matajiri zaidi kuwaliko wale maskini. Kuwa tajiri na kuendesha gari la kifahari ni advantage kwako (usitie wasiwasi, haya ni maoni ya wanawake tu. hapa Nesi Mapenzi tushalizungumzia tatizo hili mara kwa mara, pesa si muhimu katika kutongoza, ushapu wako ndio muhimu)

#8 Mwanaume ambaye anaheshimiwa na wengine

Wanawake wanapenda wanaume ambao wanawaheshimu, lakini pia wanapenda kuwa na wanaume ambao wanaheshimiwa na wengine. Kama kuna mtu hakuheshima, hayo ni makosa yako? Kama ni yako basi hakikisha kuwa unatatua. Lakini kama si makosa yako basi si lazima ujihusishe nao. Simama wima na utetee haki yako ya kuheshimiwa na kila mtu. Tumeelewana?

#9 Mwanaume anayejiamini

Kuwa na confidence ni muhimu kwa kila mwanaume. Ni nguvu ya kuzimu ambayo kila mtu utakayekutana naye atakuonea gere. Mwanaume anayejiamini huwavutia wanawake kwa kuwa anajiamini yeye mwenyewe pamoja na uwezo wake wa kuyaona mambo jinsi yalivyo ulimwenguni. [Soma: Hatua za kujiamini]

#10 Mwanaume anayeonekana vizuri

Huku ni kuanzia kule kujiweka kimwili. Vile ambavyo unasimama kama mwanaume. Je mapozi yako yakoje? Je unavalia nguo kulingana na mwili wako? Wakati unapoongea unazungumza na ishara zipi? Haya yote ni baadhi ya mambo ambayo  ni muhimu na yanayowafanya wanawake wakutambue kama wewe ni mwanaume bora wa kumchumbia au la.

#11 Mwanaume anayejua kuzungumza

Kama tu vile kujua jinsi ya kutumia ucheshi katika mazungumzo yako, kujua jinsi ya kuzungumza na mwanamke kwa kutumia Sanaa ya Mazungumzo kama vile banta, miondoko ya mwili na kuchanganya Programu ya Isimu Ubongo ni muhimu zaidi kwa kuwa kutamfanya mwanamke kujiskia huru zaidi akiwa na wewe na ni mambo ambayo mwanamke anatamani kutoka kwa mwanaume yeyote. Sanaa zote hizi ziko kwa kitabu cha Kutongoza Mwanamke: Kuanzia Hadharani Hadi Kitandani

#12 Tabia ya kuheshimu

Kuwa na tabia ya kuheshimu wengine vile inavyotakikana. Wanawake wote wazuri 
hawawapendi wanaume ambao wanapenda kuwachukulia vibaya wengine. Usiwe mbaya kwa watu walioko chini yako bila ya kuwa na sababu yeyote. Ukiheshimu wengine nao pia watakuheshimu. Wanawake huwaona wanaume wenye tabia ya kuwaheshimu wengine kuwa wanaweza kuwa wazazi wazuri. So hakikisha kuwa unatabia nzuri wakati wote.

#13 Kuwa mwanaume alpha

Wanawake wazuri huwa kwa mikono mwa wanaume bora. Hakuna mwanamke atataka kuwa na mwanaume mwoga, asiyejiamini, asiyeheshimu wengine. Itakuwa ushawahi kugundua kitu flani, kwa kawaida huwa kuna mwanaume mmoja katika kikundi flani ambapo yeye anadeti wanawake warembo zaidi ilhali wenzake wanadeti wanawake wa kawaida. Wanaume kama hawa ndio huitwa alpha. [Soma: Hatua za kujijeuza Alpha]

#14 Mfanye ajihisi huru

Wanawake wanapenda wanaume ambao wanawafanya wajihisi huru wakiwa nao. Hii ni kulingana na usemi kutoka kwa wanawake. Hivyo kama wewe unakuwa na tabia za maswali yasioisha, ukali, woga ama kutojiamini basi utamfanya mwanamke ashindwe kujiskia comfortable akiwa na wewe. Jambo la kuhakikisha ni kuwa unautoa wasiwasi wowote ambao unaweza kujitokeza wakati unapoongea na yeye.

#15 Mwanaume mwenye usambamba/ compatibility

Tatizo kuu linajitokeza hapa. Mara nyingi mwanaume anaweza kumpendeza mwanamke kwa kila kitu lakini mwanamke anaweza asikubali mwitikio wako kwa kuwa hamna uwiano ulio sawa. Mwanamke anaweza kukukataa kwa sababu zake binafsi. Kama unataka kufanikiwa na hili basi hakikisha kuwa unakuwa mkweli, makinika na interests zake na usome mambo anayopenda na kuchukia. Kama ataona kuwa kuna uwiano ndani yenu, basi ni rahisi kwa yeye kukukubali.

Mwisho ni kuwa haya ni maoni ambayo yametoka kwa vinywa vya wanawake, hivyo kama kuna moja kati ya haya maoni 15 tuliyoyaorodhesha unayakosa, basi ni muhimu uanze kazi sasa hivi.


By Chief Hope 

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

DALILI NANE (8) ZITAKAZO KUSAIDIA KUGUNDUA KAMA MTU/MGONJWA AMEFARIKI

Richard Edward | 10:34:00 AM | | Toa maoni yako hapa!
 DALILI NANE (8) ZITAKAZO KUSAIDIA KUGUNDUA KAMA MTU/MGONJWA MEFARIKI

Kumekua na ripoti nyingi na matukio ambayo inatokea mtu anazikwa kabla hajafa, hasa sehemu za vijijini sana ambapo hakuna madaktari au wahudumu wa afya. kwa sheria za tanzania, mgonjwa akifia hospitali basi dakatari ndio anaruhusiwa kukagua na kuhakikisha kweli mgonjwa huyu amefariki kabla ya kwenda kuzikwa.

Elimu hii ya kujua kama mgonjwa bado yuko hai au amekufa ni vizuri ikatolewa kwa watu wote ili kuepusha matukio hayo ya kuzika watu walio poteza fahamu tu wakidhani ni wafu.zifuatazo ni dalili hizo...

Kusima kwa mfumo wa upumuaji; 

muangalie mtu kifuani kisha kua makini, kwa mtu aliyepoteza fahamu utaona kifua kinapanda na kushuka lakini kwa mtu mfu utaona kifua kimetulia kabisa na hakuna dalili za kupumua hata kwa mbali.

Kusimama kwa mapigo ya moyo; 

haya unaweza kuyasikia kwa kutumia kifaa maaluma kwa jina la stethoscope lakini kwa mtu wa kawaida ambaye sio mtaalamu basi weka sikio lako upande wa kushoto mwa kifua cha mtu  na kama husikiii mapigo ya moyo huyu mtu ni mfu.

Msukumo wa damu; 

hii kitaalamu inaitwa pulse rate,kwa kutumia vidole vyako viwili vya mkono wako kandamiza kidogo sehemu ya mkono ambapo kuna kidole gumba. kwa kawaida utahisi damu inapita na inasukuma vidole vyako na kama husikii kabisa basi huyo ni mfu.pia unaweza kuweka vidole shingoni kama wafanyavyo askari mara nyingi kukagua kifo.

Angalia jicho; 

jicho lina duara mbili nyeusi, moja ni kubwa na nyingine ndogo kabisa kitaalamu tunaita pupil. kwa hali ya kawaida pupil ukipiga tochi ghafla nasinyaa na ukitoa tochi inapanuka kawaida. sasa kwa mfu hautaona hayo mabadiliko lakini pia pupil yake itakua imepanuka kuliko kawaida.angalia tofauti kwenye picha hizi mbili.

Kukakamaa sana; 

kutokana na kusimama kwa kazi ya mishipa ya fahamu, mfu hukakamaa sana muda tu baada ya kufa na usipowahi kumnyosha basi anaweza asirudi kwenye hali ya kawaida.

Kuwa wa baridi; 

inategemea na muda wa kifo lakini mara nyingi masaa nane baada ya kifo mtu huanza kuwa wa baridi sana kuliko kawaida hasa miguuni kutokana na kupotea kwa joto la kawaida la kiumbe hai.

Kuanza kutoa harufu kali; 

vitu laini sana kwenye mwili wa binadamu kama ubongo na utumbo huanza kuoza haraka mtu anapokufa, hivyo harufu kuotekea sehemu zote zenye mashimo kama pua, mdomo, na sehemu za siri huanza kutoka.

kutosikia maumivu kabisa; 

Mfinye sana mgonjwa miguuni au mkononi au sehemu yeyote yenye nyama lakini hautaona ushirikiano wowote.

Mwisho; 

kuna njia zingine za kujua kifo ambazo zinatumia vifaa maalumu na zingine huwezi kuzielewa kama wewe sio daktari, lakini ukiona dalili zote hizo kwa mgonjwa kwa uhakika basi unaweza kusema amefariki japokua ni vizuri kumuita na daktari ahakikishe ila kama ni kijijini sana basi mnaweza kuzika.unaweza kubonyeza maneno ya kijani kwa maelezo zaidi na kupitia blog yangu ya kingereza

By Richard Edward 

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

Thursday, August 25, 2016

YAFUATAYO YATABADILISHA MAISHA YAKO KAMA UTAYAZINGATIA

Richard Edward | 9:30:00 PM | Toa maoni yako hapa!
 YAFUATAYO YATABADILISHA MAISHA YAKO KAMA UTAYAZINGATIA/self esteem

Leo nataka kukushirikisha mambo muhimu mawili ambayo ukiyashika na kuyafuata nina uhakika na imani kubwa kuwa utakwenda kuona mabadiliko makubwa sana ya kimaisha kwako. 

Mambo haya ni muhimu uyasome kwa utulivu kisha uweze kuyafanyia kazi taratibu mpaka utakapo weza mambo haya ni kama ifuatavyo:-

1.  Chagua kilicho bora na ukifuate, 

katika maisha kuna wakati unakumbwa na ile hali ya kuwa na vitu vingi sana iwe kwa kuviona au kichwani lakini yote kwa yote nachomaanisha ni kuwa unakuwa umekumbwa na mambo mengi sana na unajikuta kuwa huwezi kufanya maamuzi, sasa njia iliyo bora na sahihi pale unapokumbwa na machagulio mengi ni kuchagua kitu kilicho bora. 

Nakushauri uchague kitu bora na sio bora kwa nani au nani bali bora kwako. Usichague kitu ukasema ni bora eti kwa kuwa umeona kuwa kuna mtu fulani kasema ni bora hapana bali chagua kitu kwa kuwa wewe kwako ndicho umeona ni bora kuliko wengine. Hili nimeliongea kutokana na sababu kuwa kuna watu wamekuwa wakipata shida sana katika kuchagua vitu kama kazi za kufanya.

Mfano utakuta mtu hachagui kazi ya kufanya kutokana na ubora wa kazi au uwezo wake juu ya kazi bali yeye anachagua kazi kutokana na ubora wa mshahara, pindi apatapo kazi hiyo ndipo hujikuta sasa akiwa ameanza kulalamika kuwa oooh sijui hii kazi vipi sijui ile kazi vile. Sasa kwanzia leo hakikisha unachagua kilicho bora kwako. Iwe shule, iwe chuo, iwe kazi, iwe biashara, iwe mahali pa kuishi n.k.

2.    Acha kuwa zima moto, 

Naposema acha kuwa zima moto narejelea ile hali ya kukosa msimamo,hali ya kukosa hamasa, hali ya kuhairisha mambo ovyo na ile hali ya kuto kutulia katika shughuli moja. Hiki ndicho nacho maanisha napo sema acha kuwa zima moto. 

Sasa ukiangalia kikosi cha zima moto chenyewe kipo maalumu kwa ajili ya uokozi wa majanga ya moto tu na sio wakati mwingine hivyo kama hakuna moto sehemu zima moto huwezi kuwaona. 

Sasa ikoje katika mafanikio, kitu kinachokuja kutokea katika mafanikio ni kuwa kuna watu wamekuwa zima moto yaani hawa ni wale ambao wakitoka kwenye semina,wakisoma vitabu au kusikiliza kanda za sauti wanatoka na hamasa kubwa na ahadi nyingi kuwa hili ntalifanyia kazi na lile pia ntalitekeleza lakini watafute baada ya siku mbili utakuta wako kule kule walikokuwa kabla ya semina au kusoma kitabu fulani. 

Kuna watu mfano huwa hawaendi hospitalini kuchunguza afya zao labda mpaka wawe wanaumwa au wamezidiwa sana, jambo ambalo sio zuri sana kwa afya zetu. Kuna watu hawawezi kufanya kitu fulani mpaka wawe wameambiwa au wametishwa na mtu fulani jambo ambalo ni hatari sana watu wa namna hii ndio nao waita kina zima moto. 

Kama nawe ni mmoja wapo basi acha mara moja, usisubili mpaka maji yamwagike ndipo uanze kujiuliza kwanini yamemwagika ili hali uliziona dalili za maji kumwagika na haukufanya lolote. Waswahili husema “usipoziba ufa hautojenga ukuta. 

Acha kuwa zima moto kwanzia sasa usisubiri yakukumbe ndipo utende

By Richard Edward

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

Wednesday, August 24, 2016

DOWNOAD WIMBO: WARAKA WA PILI - YESU OKOA MITAA.

Chief Hope | 1:37:00 PM | | Toa maoni yako hapa!
Nimekusogezea wimbo mpya toka kwa vijana wa Yesu Okoa Mitaa hapa namwongelea Rungu La Yesu, SirMbezi, Bishop Abra, Fundi Wa Yesu, Dona na Morefire Ngoma inaitwa 'Waraka Wa Pili'. Enjoy mtu wa Mungu.

By Chief Hope 

Jiunge Na Tim Heaven Sasa! 
Jiunge nasi kupitia FacebookTwitter na Instagram ili kupata habari mbalimbali juu ya muziki, mahusiano, mafanikio afya nk.

Tuesday, August 23, 2016

MADHARA ANAYOPATA MTOTO ASIPO SHIRIKI MICHEZO NA WENZAKE

Chief Hope | 3:34:00 PM | Toa maoni yako hapa!
 MADHARA ANAYOPATA MTOTO ASIPO SHIRIKI MICHEZO NA WENZAKE

Wazazi wengi nchini na jamii nyingine wanapenda kuwaona watoto wao wakiwa kama wao walivyokuwa enzi hizo.Kwa maana nyingine wanataka kuwaona watoto wao wakiwa kama nakala zao.


Watoto wa umri kati ya miaka 3-12(ni umri kabla ya kuanza shule na kuanza shule) huonyesha tabia za kutaka kufanya vitu wenyewe bila kuzuiliwa na mtu yeyote. 

Hupenda kujifunza lugha, na ishara mbalimbali kwa kasi isiyo ya kawaida. Hapa wazazi wengi huwachukulia watoto wao kuwa ni watundu na wasumbufu,la hasha! Ni umri wao kutaka kujifunza kuhusu mambo yanayowazunguka.

Kama mwanasaikolojia, Maria Montessori alivyoainisha kuhusu makuzi ya watoto, anasema kuwa watoto wa  rika hili hupenda kuwa na urafiki na watoto wa rika lao. 

Pia kuhusu kuwaruhusu watoto wafanye vitu wanavyoweza kufanya na si kulazimisha kuwasaidia.Alisema, "Never help a child with a task at which he feels he can succeed." Yaani “Usimsaidie mtoto kufanya kazi iliyo kwenye uwezo wake.”

Kiuhalisia makuzi ya watoto hutegemea sana mazingira, mfano mtoto aliyekulia mazingira ya shida na duni kiuchumi anatofautiana sana kiutendaji na yule aliyetokea mazingira ya raha na furaha na uchumi mzuri.

Tofauti hii ambayo inahusisha saikolojia ya makuzi ya mtoto, ina uwezo mkubwa sana wa kushusha au kuongeza/kuimarisha utendaji wa mtoto afikiapo utu uzima.

Nitazungumzia tofauti za watoto katika mazingira hayo mawili katika makala nyingine.Leo napenda uungane nami katika kuyajua madhara (8) ya kumzuia mtoto wako kushiriki michezo ya kawaida na wenzake...

Mwanasaikolojia maarufu duniani Erick Erickson 1956 aliainisha hatua nane(8) za maendeleo ya makuzi ya binadamu kijamii na kihisia kuanzia kuzaliwa hadi utu uzima.Alisisitiza kuwa kila hatua ina vipingamizi vyake ni muhimu kupitia kila hatua na kuondoa vipingamizi hivyo kabla ya kwenda hatua nyingine. 

Nitapenda kujikita hasa kwenye makuzi ya watoto ambayo yana mchango mkubwa kwa utu uzima wa mtu.Nikizingatia hatua mbili za makuzi ya mtoto yaani hatua ya 2 na hatua ya 3 za maendeleo ya ukuaji wa mtoto kama alivyozielezea Erickson;

Katika hatua ya pili (2) umri wa mtoto kabla ya kuanza shule (chekechea), aliangalia mambo mawili yanayopingana yaani “Kujifunza mwenyewe Vs Aibu (miaka 3-4)”.Akimaanisha kuwa mtoto wa umri huu hupenda kufanya mambo mwenyewe na hujisikia aibu pale anapokatazwa kwa kuambiwa “Usi…” Mtoto aliyekuzwa vizuri hujisikia vizuri bila kuwa na aibu yoyote.

Pia katika hatua ya tatu (3) umri wa kuanza shule (baada ya chekechea), umri wa michezo, mtoto hupambana na vitu viwili yanayopingana yaani Kujianzishia kujifunza Vs Kujilaumu/Hatia.(miaka 4-12). Akimaanisha kuwa mtoto aliyekuzwa vizuri kwa kupewa uhuru wa kujifunza (1) hujiona fahari kuwa na wenzake,(2) hupenda kushirikiana na wenzake, (3) hupenda kuongoza pia kuongozwa.

Kwa upande mwingine, mtoto aliyekuzwa mazingira ya kubanwa hujihisi kuwa na hatia hivyo (1) huwa muoga (2) hujitenga na wenzake (3) anakuwa tegemezi sana kwa wazazi (4) anakuwa amekosa mbinu za michezo na uwezo wa ubunifu.

Nitayajumuisha madhara (8) ayapatayo mtoto wako kwa kukosa kushiriki michezo ya kitoto na wenzake kama ifuatavyo;

1. Mtoto kukosa uwezo wa kujiamini mbele ya hadhara 

Ukifuatilia michezo ya watoto kama mpira,kukimbizana, na mingine mingi utagundua kuwa watoto ni waongeaji na watendaji hasa wakiwa na watoto wa rika lao.

Endapo mtoto wako atakosa fursa ya kukutana na wenzake, kwanza atakuwa na hofu-kwasababu hajawazoea, pili atajihisi mnyonge mbele ya wenzake.Hivyo kuanza kuijenga tabia ya kutokujiamini tangu utotoni.

2. Kukosa uwezo wa kuongoza 

Kutokana na hofu aliyojingea tangu utotoni, ni dhahiri kuwa atakuwa hana mbinu za kuwasiliana kama kiongozi, pia atakuwa na aibu iliyopitiliza mbele ya watu anaotakiwa kuwaongoza.

3. Kuwa mtegemezi wa maamuzi mbali mbali kwa wazazi hata yaliyo kwenye uwezo wake

Tatizo hili ni kubwa, limepelekea vijana wengi kushindwa kuamua mambo yao wenyewe, eti “labla nimuulize baba na mama”, kazi lazima achaguliwe na wazazi/walezi.

Hili ni tatizo lililokuwa tangu utotoni, yaani kukosa uwezo wa kuamua kufanya hasa baada ya kuambiwa “Usi…” na kutopata nafasi ya kuona watoto wengine wakijaribu kufanya jambo fulani.

4. Mtoto hujitenga na jamii 

Kwa kuwa mzazi au mlezi ulimtenga mtoto na jamii kwa kumfungia ndani wakati wote, na kumwachia mtoto wako awe na urafiki mkubwa na Televisheni na michezo yake pekee, usitegemee kuona mtoto wako akiwa mbali na jamii hasa afikapo ujana na hata utu uzima.

5. Kukosa uwezo na mbinu za kuwasiliana

Kama nilivyoeleza awali, watoto wa umri huu hupenda kujifunza lugha na ishara mbali mbali za mawasiliano wakiwa na watoto wa rika lao.

Hivyo basi, kama utamfungia mtoto wakati wote asikutane na wenzake, tambua kuwa unamwandaa mtoto ambaye atakuwa hana uwezo mzuri kimawasiliano.Ujuzi huu ni muhimu sana katika shughuli mbali mbali za kijamii.

6. Kuwa na viungo dhaifu na kukosa uchangamfu wa mwili 

Itafahamika kuwa uimara wa viungo vya mtoto haujengwi na vyakula pekee, bali mazoezi ya viungo hasa kwa michezo ya kitoto ya kukimbizana hapa na pale.

Kisaikolojia, mtoto huathirika sana anapoona watoto wengine wakicheza kwa furaha wakati yeye anazuiliwa ama kwa kupigwa na kukaripiwa.Hii humfanya mtoto kunyongea na kukosa uchangamfu.

7. Humpelekea mtoto kujitengenezea tabia ya kutoroka ili atimize hisia zake 

Hapa ndipo utukutu na tabia mbaya zinapoanzia.Mtoto anaamua kujitengenezea mbinu ili aweze kushiriki kwenye michezo ya kitoto.

Mtoto anapofikia hatua hii, wazazi wengi hulaumu sana kuwa watoto wa siku hizi hawatulii, wakiwa wamesahau kuwa wenyewe ndiyo chanzo cha kuwafanya watoto watoroke kwasababu ya ulinzi mkali nyumbani. 

Mtoto hawezi kutoroka nyumbani kama anapata upendo na kueleweshwa mema na mabaya kwa vitendo, pia kwa kumpa na kukubaliana utaratibu wa michezo.

8. Mtoto kukosa ubunifu wenye tija ya kupambana na changamoto za maisha

Ubunifu wa mtoto unachangiwa na kuwepo kwa ushirikiano wake na watoto wenzake.Ni hapo kipaji cha mtoto kinapojidhirisha. Kutokana na mabadiliko makubwa ya sayansi na teknolojia, wazazi wengi wamewaachia watoto wao kutazama televisheni na komputa na si kwenda kucheza na watoto wengine.

Naomba nitoe rai kwa wazazi wa karne hii ambao mnakumbana na changamoto mbali mbali za mabadiliko ya Sayansi na Teknolojia kiasi kwamba mnakuwa hamna muda wa kukaa na watoto, ila ni kutoa amri kuwa hairuhusiwi mtoto kutoka nje.

Pia ni vizuri kufuatilia kila hatua ya ukuaji wa mtoto na kuhakikisha yale mahitaji ya hatua husika yanafikiwa, kinyume na hapo tusishangae kuona watoto wetu wamekuwa vile tusivyotarajia.


By Richard Edward  

Jiunge Na Tim Heaven Sasa! 

Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

Monday, August 22, 2016

KANUNI KUMI '10' ZA KUWA MKE MWEMA

Richard Edward | 12:49:00 PM | Toa maoni yako hapa!
UHALISI WA MAISHA:
Maisha halisi ya mwanamke anayetarajia kuwa mke/ mke tayari hii ni kumaanisha kuwa wanawake mashujaa tunapaswa kuishi maisha ambayo yanatutambulisha kama mfano wa kuigwa ili tunapozungumza na kufundisha mabadiliko tuwe tunazungumza uhalisia wa maisha yetu ambao unajengwa na haya yafuatayo;

UVUMILIVU:
Kuwa mvumilivu katika maisha yake ya kila siku hasa ukizingatia kuwa tunakutana na mambo mbali mbali yasiyotuvutia katika mahusiano yetu, mengine ni magumu na yanayokwenda kinyume kabisa na matakwa yetu au mazoea yetu ya binafsi. Ifahamike kwamba wewe kama mwanamke shujaa inapotokea umekutana na mambo kama haya hupaswi kuonyesha hasira zako wazi wazi kama vile; chuki, kulaumu, ugomvi, vurugu, malalamiko, manung’uniko, machafuko, kulipa kisasi au aina yoyote ya uharibifu kutokea kwako au ndani mwako. Hivyo mwanamke shujaa huwa ni heri kila anapokuwa kwani hutunza amani ya eneo alipo.

UPENDO WA DHATI:
Maisha ya upendo wa halisi na sio wa kinafki kwa jamii inayomzunguka. Tabia ya upendo wa halisi ina thamani kubwa sana kuliko mali nyingi, pesa, elimu ya juu n.k. wewe unaweza kabisa kuwa na elimu ya juu sana na pesa nyingi sana lakini pasipo upendo wa halisi ni sawa na kusema kopo zuri kwa nje na ndani hamna kitu. Nguzo kuu ya maisha ya mwanamke shujaa ni Upendo wa dhati na uhalisia.

UTII KWA KWA JAMII:
Maisha halisi ya utii katika jamii inayokuzunguka  ili kuweza kuyafanyia kazi yale yote uliyojifunza na pia kuyatenda kwa ufasaha pasipo kupita kona yoyote. Utii  kwa jamii ni ufunguo mmoja wapo utakaokusaidia kufanikisha mambo yako na malengo yako kama mwanamke shujaa.

UAMINIFU KATIKA JAMII:
Kuishi maisha ya uaminifu wa kweli na uhalisia katika jamii inayomzunguka. Uaminifu wa kweli huonekana nyakati zote na siyo tu wakati mtu anapokuwa mbele za watu wanaomjua bali hata wale wasiomjua na hata anapokuwa mahali peke yake aweze kutunza uaminifu wake kwa faida ya jamii nzima. Mwanamke shujaa hujitahidi sana kutunza uaminifu wake katika sekta zote.

UNYENYEKEVU WA KWELI:

Kuishi maisha halisi kabisa ya unyenyekevu kwa jamii inayomzunguka, unyenyekevu ni kinyume kabisa na kiburi, majivuno, kujigamba, kujikweza, kujiinua, kujiona,na hata kjitanguliza mbele kwa kila jambo. Mwanamke shujaa huwa ni mnyenyekevu wakati wote na hana makuu daima.

UWAJIBIKAJI WA DHATI:
Maisha halisi ya uwajibikaji akiangalia majukumu yake yote yanayomkabili na kuhakikisha anafanya kwa moyo bila kuwa na tabia ya kusaidiwa majukumu yake. Mwanamke shujaa ni mfano wa kuigwa kutokana na uwajibikaji wake.

USHIRIKIANO WA DHATI:
Ushirikiano katika jamii inayomzunguka. Sisi wanawake mashujaa yatupasa kujua dhahiri kuwa kazi ya kubadili tabia na kufanya wengine wabadilike kwa lengo la kupata familia bora ni lazima kuwa na ushirikiano wa kweli ambao utajenga tabia ya kuaminiana na kunai mamoja katika harakati hizi za kuandaa/ kujenga familia bora.

UTARATIBU WA KAZI/MPANGILIO:
Katika utaratibu wa maisha yake, pamoja na mpangilio mzuri wa mambo yanayomzunguka hii itakusaidia kuwa na muda mzuri wa kufanya shughuli zako na pia kutekeleza majukumu yako ya kila siku kama mwanamke shujaa. Hakuna njia yoyote ya kukuwezesha kukua na kuendelea katika maisha yako bila kuwa na utaratibu na mpangilio wa mambo yako.

KUFANYA TATHIMINI:
Kuweza kufanya tathimini ya yale yote anayoyafanya katika maisha yake ya kila siku, pengine ni mfanyabiashara, mfanyakazi, mkulima n.k kama mwanamke shujaa yakupasa kutathimini shughuli zako kama zina leta faida/hasara kwa familia na jamii yako inayokuzunguka. Ukiona faida ni kubwa unaendelea na hiyo shughuli lakini kama hasara ni kubwa unajiweka katika nafasi ya kubadilisha aina ya shughuli mara moja bila kupoteza wakati.


By Richard Edward

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

MUSIC VIDEO: HARIBU MIPANGO YA SHETANI - EMMANUEL MBASHA.

Chief Hope | 11:50:00 AM | | Toa maoni yako hapa!
Emmanuel Mbasha anayo-furaha kukualika upate kuitazama video yake mpya iitwayo 'Haribu Mipango Ya Shetani'. Enjoy mtu wa Mungu.

By Chief Hope 

Jiunge Na Tim Heaven Sasa! 
Jiunge nasi kupitia FacebookTwitter na Instagram ili kupata habari mbalimbali juu ya muziki, mahusiano, mafanikio afya nk.

USIKOSE KTK UZINDUZI HUU WA ALBUM YA MIC GOWER IITWAYO 'REMISSION'.

Chief Hope | 11:15:00 AM | Toa maoni yako hapa!
Uzinduzi wa album ya rapper Mic Gower iitwayo Remission utafanyika kwenye kanisa la T.A.G Tabata Segerea (DMC).

Siku ya Jumapili tarehe 28-8-2016 kuanzia saa tisa mchana, akisindikizwa na wakali wengine kama Peter Banzi, Huru Kweli, Elly Joh, Rungu La Yesu na wengine wengi. Bila kumsahau Dj jazz. Album itauzwa kwa Tsh 5000/=


Tshrt za r4c na remission zitapatikana siku hiyo. 


Watu 20 wa mwanzo watapata audio cd bure. Karibu wote. Hakuna kiingilio



Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

MUSIC VIDEO: MAUA - BEATRICE KITAULI.

Chief Hope | 10:53:00 AM | Toa maoni yako hapa!
Hello! Leo nimepata-fursa ya kukusogezea video mpya kabisa na kali kutoka kwa mwanadada Beatrice Kitauli inaitwa "Maua". Enjoy mtu wa Mungu.

By Chief Hope 

Jiunge Na Tim Heaven Sasa! 

Jiunge nasi kupitia FacebookTwitter na Instagram ili kupata habari mbalimbali juu ya muziki, mahusiano, mafanikio afya nk.

Friday, August 19, 2016

DALILI ZA HATARI KWA MAMA MJAMZITO

Chief Hope | 11:29:00 AM | Toa maoni yako hapa!
 DALILI ZA HATARI KWA MAMA MJAMZITO

kipindi cha ujauzito ni moja ya vipindi vizuri sana kwa mama anayetarajia kupata mtoto, kipindi hiki hua na shida mbalimbali ambazo husababishwa na mabadiliko ya mama katika nyanja mbalimbali za mwili wake. kuna mambo ambayo ukisikia mama analalamika kipindi hiki ni kawaida lakini kuna mambo muhimu ambayo ukiyasikia kwa mama mjamzito basi lazima uchukue hatua kama ifuatavyo.

kutokwa na damu sehemu za siri; 

Damu nyingi kutoka sehemu za siri miezi mitatu ya kwanza ni dalili kwamba mimba imeharibika na kama damu hiyo inaambatana na maumivu makali ya tumbo la chini, inawezekana mimba imetungwa nje ya kizazi, lakini pia damu ikitoka kipindi cha miezi ya mwisho karibia na kujifungua ni dalili kwamba kondo la nyuma au placenta imejichomoa kwenye mfuko wa kizazi. hali hizi zinahiaji msaada wa haraka wa daktari hasa hasa mimba iliyotungwa nje ya kizazi, matibabu ya mimba iliyotungwa nje ya uzazi hua ni upasuaji wa haraka bila hivyo kifo huweza hutokea.

kutocheza kwa mtoto: 

kawaida mtoto huanza kucheza wiki ya 16 mpaka 25, kama mda huo ukipitiliza bila kusikia chochote au mtoto alikua ameshaanza kucheza baadae ukasikia kimya huu ni muda muafaka wa kuwahi kuonana na daktari kwa uchunguzi zaidi na matibabu huenda mtoto amefariki au ana tatizo fulani.

kupata uchungu kabla ya wakati: 

wanawake wengi hawajui tofauti ya uchungu wa kweli na ule ambao sio wa ukweli, mfano ukisikia maumivu kwa muda, maumivu hayo hayaongezeki na hayana muda maalumu huo sio uchungu. ila ukisikia maumivu yanayotofautiana angalau kwa dakika kumi na maumivu yanazidi muda unavyozidi kwenda huo ni uchungu wa kweli. wahi hospitali ukasaidiwe kujifungua au kama muda bado nenda hospitali ili wazuie uchungu huo ili mtoto asizaliwe kabla hajakomaa.

kupasuka kwa chupa ya uzazi; 

hii kitaalamu inaitwa rapture of membrane, halii hii hutokea muda fulani baada ya uchungu kuanza na ni kawaida, lakini ukiona maji yanamwagika ghafla na una mimba kubwa inawezekana chupa hiyo imepasuka hivyo kuhakikisha nenda chooni alafu kojoa mkojo wote, ukiona maji bado yanaendelea kutoka basi maki hayo yanatoka kwenye mfuko wa uzazi hivyo kimbilia hospitali haraka kwani mtoto yuko hatarini.

maumivu makali ya kichwa, kutoona vizuri, tumbo kuuma na kuvimba miguu;

hizi ni dalili za kifafa cha mimba, ugonjwa huu umeua wanawake wengi sana kipindi cha kujiufungua, kuhakikisha hali hii nenda ukapimwe presha na ukiona presha iko juu kuliko kiwango cha kawaida wahi hospitali utibiwe.

kichefuchefu na kutapika; 

Ni kawaida kwa mjamzito kupata kichefuchefu na kutapika lakini hali hii ikizidi na mama kushindwa kula na kutapika sana huku akiishiwa nguvu basi akimbizwe hospitali illi aongezewe maji na kuatafutiwa chanzo cha tatizo.

By Richard Edward 

Jiunge Na Tim Heaven Sasa!
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.
 
Content By Chief Hope | Facebook | Twitter | Copyright ©2016 TIM HEAVEN