Wednesday, January 13, 2016

SIMBA WA KUSHANGAZA AUWAWA MAREKANI.

Chief Hope | 9:05:00 PM |

Simba wa milimani aliyeuawa katika jimbo la Idaho, nchini Marekani ameshangaza wengi kutokana na hali kwamba alikuwa na meno ya ziada kichwani.

Meno hayo kamili yanachomoza kutoka kwenye paji la uso na kuonekana kama pembe.

Simba huyo aliuawa na wawindaji walioidhinishwa tarehe 30 Desemba.
Idara ya Wanyamapori na Samaki ya Idaho imesema meno hayo huenda ni masalio ya pacha ambaye labda alifariki akiwa tumboni, au labda inatokana na saratani.

Wataalamu wa vimbe katika jimbo hilo wanasema hawajawahi kuona ulemavu wa aina hiyo awali.

Simba huyo aliwindwa na kuuawa baada ya kumshambulia mbwa karibu na mji wa Weston. Mbwa huyo alinusurika lakini mwindaji akatumwa kumuwinda simba huyo na kumuua.

Afisa wa uhifadhi wa wanyama alikagua mzoga wa simba huyo kama ilivyo sheria na ndipo akagundua meno hayo.

Mnyama huyo pia alikuwa na masharubu kwenye paji la uso kushoto.

Source: Bbc Swahili.

By Chief Hope 

Jiunge Na Tim Heaven Sasa! 
Jiunge nasi kupitia Facebook, Twitter na Instagram ili kupata habari mbalimbali juu ya muziki, mahusiano, mafanikio afya nk.

0 comments:

 
Content By Chief Hope | Facebook | Twitter | Copyright ©2016 TIM HEAVEN