• Isikupite Hii

    May 15, 2017

    Mambo 8 yatakayokuepusha na maradhi.

    Kuna watu huwa hawana desturi ya kuugua mara kwa mara, tofauti na wengine ambao maradhi kwao ni kawaida. Ili kuepuka maradhi ya mara kwa mara, kuna mambo mengi ambayo binadamu anapaswa kuyazingatia. Leo tutazungumzia siri nane ambazo watu wasiougua mara kwa mara huzingatia.

    1. Kupata usingizi na mapumziko ya kutosha
    Matokeo ya tafiti nyingi zilizofanyika katika sehemu mbalimbali duniani yanaonyesha kwamba, watu wanaopata usingizi wa kutosha huwa na furaha na afya bora.

    Tafiti zinaonyesha kwamba kupumzika na kupata usingizi kwa saa nane na zaidi ni muhimu katika kudumisha afya, kuzuia magonjwa na kukupa furaha.

    Kukosa usingizi na kutokupata mapumziko ya kutosha huchangia kupandisha kiasi cha homoni zinazosababisha msongo wa mawazo na matatizo chungu nzima ya kiafya.

    Isikupite Hii: Umihimu Wa Matumizi Za Tangawizi Kwa Afya

    2. Kufanya mazoezi
    Tafiti zinaonyesha kwamba kufanya mazoezi mara kwa mara huupa mwili kinga ya maradhi mbalimbali. Tafiti zinaonyesha pia kwamba, kujumuika kwa kushiriki katika michezo husaidia kuzuia tatizo la msongo wa mawazo na matatizo mengine ya kiafya.

    Mazoezi yana faida lukuki, ikiwa ni pamoja na kuzuia magonjwa sugu kama vile kisukari na magonjwa ya moyo. Mazoezi pia huongeza kinga ya mwili na kuongeza kiwango cha homoni zinazoleta hali ya furaha mwilini.

    3. Epuka pombe 

    4. Kujali unachokula
    Chakula kinaweza kuwa dawa au sumu kwa maana ya kiasi na aina ya chakula. Kula chakula bora ni kitu muhimu katika kudumisha afya bora.

    Matokeo ya tafiti yanaonyesha kwamba watu wanaojali wanachokula kwa kuzingatia kula chakula bora hujikinga na aina nyingi za magonjwa hivyo kuwa na afya bora na furaha tele.

    5. Kuwa na mitazamo chanya
    Hufanya kazi kwa ufanisi na bidii wakati huo huo hukubaliana na matokeo. Huwa na mategemeo ya mafanikio na furaha katika maisha. Hufurahia maisha na kutokufungwa na makosa yanayotokea katika maisha.
    Huchagua ubora juu ya kiasi na kuto jilinganisha au kujishindanisha na watu wengine.

    Isikupite Hii: Je Wajua Kuwa Rangi Ya Mkojo Wako Ina Maana Gani Kwa Afya Yako?

    6. Kucheka mara kwa mara
    Ziko tafiti nyingi zinazoonyesha umuhimu wa kutabasamu na kucheka katika kudumisha afya. Watu wanaotabasamu na kucheka mara kwa mara hujikinga na msongo wa mawazo hivyo kukaribisha furaha na afya katika maisha yao.
    Tafiti zinaonyesha pia kwamba, watu hawa huishi maisha marefu
    yaliyojawa na afya na furaha.

    7. Kulala na kuamka mapema
    Kulala kwa muda wa kutosha peke yake haitoshi. Tafiti zinaonyesha kwamba, kulala mapema na kuamka mapema ni muhimu katika kudumisha afya na kuleta furaha maishani.

    Baada ya kufanya kazi wakati wa mchana, kwa kawaida miili huwa imechoke hivyo
    kuhitaji mapumziko. Lakini pia huwa na nguvu na ufanisi mkubwa wakati wa alfajiri.
    Kwa maana hiyo, ni muhimu kulala mapema ili angalau kutimiza saa nane.

    8. Kunawa mikono mara kwa mara
    Tabia ya kunawa mikono mara kwa mara husaidia kuzuia magonjwa mbalimbali.
    Matokeo ya tafiti hizo yanaonyesha kwamba kunawa kwa kutumia sabuni hutukinga na magonjwa kama vile kuharisha, mafua na magonjwa ya tumbo.

    Ziko tafiti zilizowafuatilia watu wenye tabia ya kunawa mara kwa mara na kuwalinganisha na wale wasio na tabia hiyo na kubaini kwamba wenye tabia ya kunawa mikono mara kwa mara huwa na kinga ya magonjwa ya mlipuko kwa asilimia mpaka tisini.

    Isikupite Hii: Magonjwa 10 Muhimu Ya Kupima Na Mpenzi Wako Kabla Ya Kuzaa Mtoto

    Wataalamu na wanasayansi wanatushauri kunawa kabla na baada ya kula chochote, pia kunawa tunapotoka msalani na hata tunapotoka sehemu zenye mikusanyiko ya watu.